2020-miit 2025-mut aalisariutit

Maanna Naatsorsueqqissaartarfimmit 2020-miit 2025-mut aalisariutit atorneqartut pillugit kisitsisit saqqummersinneqarput.

 

Aalisariutit ukununnga sisamanut immikkoortinneqarput: qimuttut, umiatsiat, qamuteralaat aalisariutillu allat (aalisariutit kilisaatillu). Ukiumi pineqartumi aalisariutit aalisarnermut atorneqarsimasuinnaat ilanngunneqarput.

 

Aalisariutit piginnittuata sumi najugaqarnera apeqqutaatillugu distriktinut (illoqarfiit nunaqarfittai ilanngullugit) inissitsiterneqarput. Aalisariutit GR-normui tunngavigalugit immikkoortinneqarput.

 

Titartakkami ataaniittumi takuneqarsinnaapput distriktini 2020-miit 2025-mut aalisariutit, paasissutissat kisitsisaataasivimmit pissarsiarineqarsimapput.

 

2020-miit 2025-mut umiatsiat aalisarnermut atorneqarsimasut amerlassuaat

Najoqqutaq: Naatsorsueqqissaartarfik – Kisitsisaataasivik: https://bank.stat.gl/FINFLEET

 

Kisitsisaataasivimmi 2012-imiit 2025-mut kisitsisit aalisariutinut assigiinngitsunut sisamanut tunngasut pissarsiarineqarsinnaapput. Kisitsisaataasivimmi kisitsisit aali­sariutit pillugit kisitsisinut aallarniutaapput ataavartumillu ineriartortinneqarlutillu nutarterneqartalertussaallutik.

 

Paasissutissat Kalaallit Nunaanni Aalisarnermut Piniarnermullu Nakkutilliisoqarfiup paasissutissaasivianit LULI-mit pissarsiarineqarput. Paasissutissat sukumiinerusut uani pissarsiarineqarsinnaapput: https://stat.gl/aalisarneq

 

Tulliani 2026-mi kisitsisit pillugit saqqummersitsivissaq 21. januar 2027.